Dövlət orqanları və özəl bizneslər üçün strateji hədəflərin müəyyənləşdirilməsi, institusional idarəetmənin gücləndirilməsi, büdcə sinxronizasiyası və hesabatlılıq sistemlərinin qurulması — peşəkar konsultasiya ilə.
Dövlət qurumları, beynəlxalq inkişaf təşkilatları və özəl sektor üçün strateji idarəetmə və institusional inkişaf — dərin sahə ekspertizası ilə.
Beynəlxalq standartlara uyğun, nəticəyönümlü addım-addım metodologiya ilə strateji planlaşdırma xidmətini həyata keçiririk.
Hər sahədə sertifikatlı, təcrübəli mütəxəssislərdən ibarət komandamız.
Strateji inkişaf, Biznes proseslərinin optimizasiyası və inteqrasiya üzrə Baş Ekspert
Həm dövlət, həm də özəl sektorda transformasiya təşəbbüslərinin, artım strategiyalarının və əməliyyat mükəmməlliyinin idarə edilməsində 10 ildən artıq zəngin rəhbərlik təcrübəsinə malik peşəkar. ARASH Company, ALCO LLC, Qida Təhlükəsizliyi Agentliyi (AQTA) və Əmək və Əhalinin Sosial Müdafiəsi Nazirliyi kimi qurumlarda mühüm departamentlərə rəhbərlik etmişdir. Biznes proseslərinin optimallaşdırılması, KPI idarəetmə sistemlərinin, beynəlxalq standartların tətbiqi və irihəcmli rəqəmsal məlumat sistemlərinin qurulması üzrə ixtisaslaşmışdır.
Məlumat analitikası, biznes proseslərinin optimallaşdırılması və strateji hesabatlıq üzrə mütəxəssis. Böyük həcmli dataların statistik təhlili, idarəetmə və maliyyə modellərinin qurulması sahəsində rəhbərlik təcrübəsi.
İqtisadi islahatlar, qeyri-neft ixracının təhlili və makroiqtisadi siyasət üzrə ixtisaslaşmış iqtisadçı. İqtisadi İslahatların Təhlili və Kommunikasiya Mərkəzində rəhbər vəzifələrdə geniş təcrübə.
Beynəlxalq ticarət, iqtisadi tədqiqat və siyasət təhlili üzrə BMT, ÜTT və Aİ layihələrində geniş təcrübəyə malik beynəlxalq məsləhətçi.
İqtisad elmləri üzrə fəlsəfə doktoru. Kənd Təsərrüfatı Nazirliyi, aqrar universitetlər, elmi-tədqiqat institutları və dövlət qurumları da daxil olmaqla 38-dən çox müəssisədə ISO idarəetmə sistemlərinin qurulması üzrə aparıcı məsləhətçi. Aqrar sektor üzrə xüsusi ekspertizaya malik, sahə ilə bağlı onlarca elmi əsər müəllifi.
ASR-in strateji planlaşdırma xidmətlərindən yararlanan dövlət qurumları, inkişaf təşkilatları və özəl sektor üçün real nəticələr.
ASR Development Consulting Group-un strateji idarəetmə sahəsindəki uğurlu layihə təcrübəsindən nümunələr. Hər karta toxunaraq ətraflı məlumat əldə edin.
Azərbaycanın növbəti 10 il üçün inkişaf və iqtisadi islahatlar strategiyasını müəyyən edən, milli iqtisadiyyatı və onun 11 əsas sektorunu əhatə edən 1000 səhifəlik fundamental sənədin hazırlanması prosesində yaxından iştirak etmişdir.
Layihə çərçivəsində dövlət qurumlarının, beynəlxalq təşkilatların və sahibkarların fəaliyyəti vahid platformada uğurla koordinasiya olunmuşdur.
Əhalinin təhlükəsiz qida ilə təmin edilməsi, yerli məhsulların ixrac potensialının artırılması və aqrar sahədə məhsuldarlığın yüksəldilməsi məqsədilə beynəlxalq standartlara uyğun fundamental Dövlət Proqramı hazırlanmışdır.
Sənəd cəmi 10 ay ərzində bütün aidiyyəti dövlət orqanları ilə tam razılaşdırılaraq təsdiq edilmiş, BMT və Dünya Bankı kimi mötəbər beynəlxalq təşkilatlar tərəfindən yüksək qiymətləndirilmişdir.
Dövlət proqramlarının, strateji yol xəritələrinin və iqtisadi təşviq layihələrinin icra effektivliyini və nəticəyönümlülüyünü ölçmək üçün tamamilə yeni idarəetmə mexanizmi layihələndirilmişdir.
Bu sistemin institusional tətbiqi məqsədilə strateji monitorinq və qiymətləndirmə səlahiyyətlərinin İqtisadi İslahatların Təhlili və Kommunikasiya Mərkəzinə (İİTKM) verilməsinə dair müvafiq normativ-hüquqi fərman layihəsi hazırlanmışdır.
Agentliyin institusional quruculuğunu təmin etmək, qida zəncirinin bütün mərhələlərində "tarladan masaya" prinsipini tətbiq etmək və risk əsaslı nəzarət mexanizmini formalaşdırmaq məqsədilə hərtərəfli institusional inkişaf strategiyası hazırlanmışdır.
Layihə çərçivəsində mövcud laboratoriya infrastrukturunun və qanunvericilik bazasının daxili auditi (SWOT/PESTEL təhlili) aparılmış, qurumun missiya, vizyon və əsas fəaliyyət hədəfləri (KPI) müəyyən edilərək idarəetmə strukturuna inteqrasiya olunmuşdur.
Dövlət qurumu, inkişaf layihəsi və ya özəl sektor — strateji plan hazırlanması, institusional inkişaf, büdcə sinxronizasiyası üzrə komandamız sizinlə işləməyə hazırdır.