Rəsmi yoxlamalarla sıfır cərimə və tam uyğunluq. HACCP, ISO 22000 tətbiqi, audit, heyət təlimləri və 365 gün davamlı müşayiət xidmətləri.
12 əsas xidmət sahəsi üzrə kompleks həllər — auditdən davamlı müşayiətə qədər.
Sanitar-texniki vəziyyət, məhsul etiketi, təchizat zənciri və sənədləşmə auditləri. Gap analysis ilə boşluqların aşkarlanması və aradan qaldırılması üçün fərdi yol xəritəsi hazırlanır.
İstehsal sahəsinin, avadanlıqların, su təchizatı sistemlərinin və sanitariyanın mövcud vəziyyəti qiymətləndirilir, normativlərlə müqayisəsi aparılır.
Məhsul etiketi, keyfiyyət sertifikatları, texnoloji sənədlər və daxili qeydiyyatlar yoxlanılır; çatışmazlıqlar müəyyənləşdirilir.
Xammal təchizatçılarından son məhsula qədər bütün zəncir boyunca uyğunluq yoxlanılır, kritik nöqtələr aşkarlanır.
Bütün tapıntılar prioritetlərə görə sıralanmış hesabata çevrilir; hər boşluq üçün konkret düzəliş addımları təklif edilir.
Axın sxemləri, təhlükə analizi, kritik nəzarət nöqtələri (KNN) və kritik limitlərin müəyyənləşdirilməsi, monitorinq sistemi və tam sənədləşmə — sıfırdan işlək HACCP sistemi.
İstehsal prosesinin hər mərhələsi sənədləşdirilir; xammaldan son məhsula qədər axın sxemi tərtib edilir və yerindəcə yoxlanılır.
Bioloji, kimyəvi və fiziki təhlükələr müəyyənləşdirilir; hər KNN üçün kritik limitlər elmi əsaslarla təyin edilir.
Hər KNN üçün monitorinq prosedurları, məsul şəxslər və sapma hallarında düzəldici tədbirlər planı hazırlanır.
HACCP planı, iş təlimatları, qeydiyyat formaları və doğrulama prosedurları tam sənəd paketi kimi təhvil verilir.
Beynəlxalq standartlara uyğun qida təhlükəsizliyi idarəetmə sisteminin qurulması, sertifikatlaşdırma dəstəyi. ISO 22000:2018 tələblərinin tətbiqi üçün fərdi yanaşma.
ISO 22000:2018 tələbləri ilə müqayisəli analiz aparılır; hansı elementlərin mövcud olduğu, hansılarının qurulması lazım olduğu müəyyənləşdirilir.
Siyasət, məqsədlər, prosedurlar, iş təlimatları və qeydiyyat formaları ISO 22000 tələblərinə uyğun hazırlanır.
Daxili audit keçirilir, mövcud uygunsuzluqlar aradan qaldırılır; sertifikatlaşdırma qurumunun auditinə tam hazırlıq təmin edilir.
NK 107 qərarına uyğun "bir addım öncə – bir addım sonra" prinsipi əsasında lot nömrələmə, geri çağırma planı və qeydiyyat sisteminin qurulması.
Hər partiya üçün unikal lot nömrəsi formatı müəyyənləşdirilir; istehsal tarixi, növbə və xammal lot məlumatları lotla əlaqələndirilir.
Xammal qəbulundan göndərişə qədər bütün hərəkəti qeydə almaq üçün formalar, jurnal sistemi və elektron izləmə prosedurları hazırlanır.
Potensial problem halları üçün geri çağırma proseduru, məsul şəxslər, əlaqə siyahıları və simulyasiya testinin keçirilmə planı hazırlanır.
Texnoloji zonalaşdırma, çirkli/təmiz zona ayrılması, havalandırma, su, drenaj sistemlərinin planlaması. Qida təhlükəsizliyi tələblərinə uyğun müəssisə dizaynı.
İstehsal, saxlama, personal, texniki xidmət zonalarının ayrılması; çirkli-təmiz axın prinsipi üzrə hərəkət sxeminin hazırlanması.
Su təchizatı, çirkab su sistemi, havalandırma-kondisioner, soyutma sistemlərinin texnoloji tələblərə uyğun planlaması.
Texnoloji layihə sənədləri, döşəmə planları, avadanlıq yerləşmə sxemləri və normativ uyğunluq hesabatı hazırlanır.
Ümumi gigiyena, ISO 22000, HACCP prinsipləri, izləmə və markalanma üzrə on-the-job formatında praktiki təlimlər. Heyətin bilik və bacarıqlarının inkişafı üçün fərdi proqramlar.
Əl yuma texnikası, iş geyimi, sağlamlıq nəzarəti, istehsalat sahəsindəki davranış qaydaları praktiki olaraq öyrədilir.
7 HACCP prinsipi işçilərə anlaşıqlı dildə izah edilir; monitorinq formalarının doldurulması, sapmaların qeydə alınması praktiki məşq edilir.
Lot nömrələmə, etiket oxunuşu, geri çağırma prosedurlarına iştirak — hər işçinin öz rolunu bilməsi üçün praktiki ssenari məşqləri.
AQTA yazışmaları, yoxlamalarda müşayiət, aylıq daxili auditlər, heyət təlimləri — müəssisənizi 365 gün ekspert nəzarəti altında saxlayırıq.
Dövlət yoxlamaları zamanı müəssisənizi təmsil edirik; AQTA ilə bütün yazışmalar, sorğular və cavablar bizim tərəfimizdən idarə olunur.
Hər ay müstəqil daxili audit keçirilir; tapıntılar hesabatlaşdırılır, korrektiv tədbirlər planı verilir, növbəti audita qədər icra izlənilir.
Yeni işçilərin onboarding təlimi, mövcud heyətin illik resertifikasiyası, müvafiq normativlər dəyişdikdə yeniləmə təlimləri həyata keçirilir.
Gübrə və pestisidlər üzrə texniki dosyelərin hazırlanması, qeydiyyat və təkrar qeydiyyat proseslərinin idarə olunması, etiket və qablaşdırma uyğunluğunun yoxlanılması, sənədlərin yenilənməsi və düzəlişlərin aparılması.
Məhsul tərkibi, istehsal prosesi, sınaq nəticələri və digər texniki məlumatların toplanması və təhlili.
Qeydiyyat üçün tələb olunan bütün texniki sənədlərin, təhlükəsizlik məlumatlarının və etiket nümunələrinin hazırlanması.
Sənədlərin aidiyyəti qurumlara təqdim edilməsi, qeydiyyat prosesinin izlənilməsi və təsdiq alınması.
Qida məhsullarının idxalı üçün ilkin uyğunluq analizi, etiket və qablaşdırma tələblərinin yoxlanılması, qeydiyyat proseslərinin idarə olunması, idxal sənədlərinin hazırlanması və icazələrin alınmasına dəstək. Təchizatçı və anbar uyğunluğu daxil olmaqla tam idxal dəstəyi.
İdxal olunacaq məhsulun təhlili, mənşə ölkəsinin tələblərinin və Azərbaycan qanunvericiliyinin yoxlanışı.
İdxal üçün tələb olunan bütün sənədlərin, etiket nümunələrinin və uyğunluq sertifikatlarının hazırlanması.
Sənədlərin təqdim edilməsi, qeydiyyat prosesinin izlənilməsi və idxal icazəsinin alınması.
İdxalçı ölkələrin tələblərinin araşdırılması, məhsul qeydiyyatı və etiket uyğunluğunun təmin edilməsi, əvvəlcədən müayinə və fitosanitar auditlərin təşkili, ixrac sertifikatlarının alınmasına dəstək.
İxrac ediləcək ölkənin qida tələblərinin, sertifikat tələblərinin və gömrük prosedurlarının araşdırılması.
Məhsulun hədəf ölkə tələblərinə uyğunlaşdırılması, etiketlərin hazırlanması, ixrac sertifikatlarının alınması.
Fitosanitar yoxlamaların təşkili, son nəzarətlərin keçirilməsi və ixrac prosesinin tam dəstəyi.
Bioloji aktiv qida məhsullarının (BAQM) qeydiyyatı üçün sənədlərin hazırlanması, etiket və tərkib uyğunluğunun yoxlanılması, laborator analizlərin təşkili, idxal-ixrac icazələri və sertifikatların alınmasına dəstək.
BAQM məhsulunun tərkibinin təhlili, qeydiyyat üçün tələb olunan sənədlərin toplanması və hazırlanması.
Akreditasiya olunmuş laboratoriyada tələb olunan analizlərin keçirilməsi və nəticələrin sənədləşdirilməsi.
Sənədlərin aidiyyəti quruma təqdim edilməsi, qeydiyyat prosesinin izlənilməsi və BAQM qeydiyyat təsdiqinin alınması.
Kosmetik vasitələrin qeydiyyatı üçün sənədlərin hazırlanması, məhsul tərkibi və formul uyğunluğunun yoxlanılması, etiket və qablaşdırmanın normativ tələblərə uyğunlaşdırılması, gigiyenik sertifikat və icazələrin alınmasına dəstək.
Kosmetik vasitənin tam tərkibinin, istehsal prosesinin və keyfiyyət göstəricilərinin toplanması və təhlili.
Tərkib maddələrinin qanunvericiliyə uyğunluğunun yoxlanılması, qadağan olunmuş maddələrin aşkarlanması, formulun normativlərə uyğunlaşdırılması.
Etiket və qablaşdırmanın normativ tələblərə uyğunlaşdırılması, gigiyenik sertifikatın alınması, qeydiyyat prosesinin tamamlanması.
Hər sahədə sertifikatlı, təcrübəli mütəxəssislərdən ibarət komandamız.
Qida təhlükəsizliyi və qida texnologiyası üzrə ekspert
"Səba" (Dəvəçi Broyler ASC) və "Mərcan" (Ucar Aqro ASC) kimi respublika miqyaslı irihəcmli quş əti emalı müəssisələrinin təməldən qurulmasında, layihələndirilməsində və baş menecer qismində idarə olunmasında mühüm rəhbərlik təcrübəsinə malik ekspert. Müxtəlif qida və qablaşdırma müəssisələrində İSO beynəlxalq standartlarının tətbiqi, keyfiyyət menecmenti və qida təhlükəsizliyi sistemlərinin qurulması üzrə ixtisaslaşmışdır.
Qida təhlükəsizliyi və keyfiyyət üzrə auditor. Sahə üzrə rəsmi müfəttiş təcrübəsinə malik olmaqla, 2016-cı ildən etibarən qida sektorunda biznes subyektlərinə məsləhət, peşəkar dəstək və təlim xidmətlərinin göstərilməsində zəngin təcrübə.
Qida istehsalı menecmenti və qida təhlükəsizliyi sistemlərinin tətbiqi üzrə geniş təcrübəyə malik ekspert. Beynəlxalq auditlərin keçirilməsi və layihələrin idarə olunması üzrə peşəkar.
Gülbəniz Hacıyeva — qida təhlükəsizliyi, keyfiyyət idarəetməsi və istehsalat sahəsində 10 ilə yaxın peşəkar təcrübəyə malik auditor və mütəxəssisdir. O, qida sənayesində daxili auditlərin aparılması, risklərin idarə olunması və HACCP sistemlərinin qurulmasında geniş praktiki bilik qazanmışdır. Eyni zamanda ISO 22000, ISO 9001, BRCGS, IFS və ISO/IEC 17025 standartları üzrə təlim və sertifikatlara sahibdir.
4 tematik blokda 17 əsas fayda — ASR xidmətlərindən yararlanan müştərilərin real nəticələri.
Dövlət qurumlarından beynəlxalq şirkətlərə qədər geniş müştəri portfelimizlə fəxr edirik.
| Loqo | Müştəri | Sektor | Aldığı xidmətlər | Status |
|---|---|---|---|---|
|
ZEYTUN PHARMACEUTİCALS MMC | Səhiyyə | Tamamlanıb | |
|
Uzun Ömür Sağlam qida | Ərzaq sənayesi | Aktiv | |
|
ZARAT İMPORT EXPORT MMC | Kənd təsərrüfatı | Tamamlanıb | |
|
Salyan qida Qida istehsalı | Ərzaq sənayesi | Aktiv | |
|
Kəndstore MMC Kənd təsərrüfatı | Kənd təsərrüfatı | Aktiv | |
|
MOK Group Restoran şəbəkəsi | Ərzaq sənayesi | Aktiv |
Qida təhlükəsizliyi auditi, HACCP və ISO 22000 sistemlərinin qurulması, istehsalat layihələndirilməsi və heyət təlimləri — cəriməsiz və 100% uyğun fəaliyyət üçün ekspertlərimizlə əlaqə saxlayın. İlk məsləhət pulsuzdur.